Les mots surlignés font l'objet d'une note
1Monsieur par les letres que avés excrit à madame de Caseneufve et à messieurs
2d’Apt et de St Cernin et de Cabanes, iay veu la bonne souvenence que vous plait
3avoir de moy, dont vous remertie très humblement. Ie ne vous scaurès dire le
4grand contentement que ma esté entendre que estiés remis en bonne santé et
5mon neveu de Laval aussy. Ie prie Dieu de bien bon cueur vous tenir long
6temps en tieul estat, ensemble madame de Gordes et toute vostre bonne
7compagnye. Ma ditte dame en est de mesmes par sa grace ; ie vous puis bien
8asseurer monsieur, quelle a eu très grand ennuy et fascherie de la maladie
9de mon neveu et ie nen ay receu meins de ma part ; ie loue Dieu de sa
10bonne convallecence et le prie le voulloir conduire et lavoir en sa sainte
11protection et sauve garde et vous en donner tout le contentement que vous
12en desirés, ensemble de tous les autres et croyés que ie participeray tousiours
13en icelluy pour lamitié et grande affection que ie leur porte. Le demeurant
14monsieur, sera pour vous prier me faire tant de bien et faveur me tenir
15tousiours à vous bonnes graces lesquelles ie sallue de mes très humbles et bien
16affectionnées recommandations et celles de madame de Gordes et de mes neveus et nièce,
17de si bon cueur que ie prie Dieu vous donner en très bonne santé,
18Monsieur, longue et heureuse vie. De Gargas, ce XIXe aoust 1572
19Vostre très humble et très obeissante
20seur à iamais
21Loyse de Simienne
22